Міністер доправы і выставбы Андрей Долежал ‟немать дяку‟ подати демісію. Є але скламаный і зунавеный з коалічной крізы. Увів то днесь перед засіданьом влады. Долежал є тогочасу дочасні повіреный веджіньом міністерства господарства і мінітерства праці. Пояснив, же по демісії міністра праці Мілана Крайняка му закликала презідентка Зузана Чапутова з просьбов о дочасне веджіня міністерства. ‟Пані презіденткі ся неговорить ні, як вас о то попросить, повірить, высловить вам підпору і довіря, так в тім припаді то было лоґічне і в порядку,‟ підчеркнув Долежал. Перевзятя міністерства господарьства по Ріхардові Сулікові было подля нього інше, ішло о довіру і контінуіту в резорті. (TASR, Pkf)