Словацькый парламент і россійска Штатна дума вытворять сполочный выбор, котрого головнов задачов буде проглубованя господарскых односин меджі обома державами. На сполочнім выступліню перед новинарямі то по вчерайшій стрічі с председом россійской Штатной думы Вячеславом Володіном в Москві повів председа Народной рады Словацькой републикы Андрей Данко. На основі Володіна мать Дума вытвореный подобный выбор наприклад с Італійскым парламентом і приправує ся вытворіня і з Франційов. “Єм барз рад, же нам была дана приятельска помічна рука в області културы і шпорту,“ повів по стрічі Андрей Данко. В рамках сполупраці в області едукації собі будуть Словакія і Россія взаємно признавати высокошколскы діпломы а розшырити бы ся мали і вымінны стажі штудентів.
(Петро Кімак-Фейко)