Владны аналітіци пропонують дати вступне до народных парків. Кібы вступне было єдно евро, шторік бы могло державі прийти 6 міліонів евр. Охорона природы за аналітіками потребує вытворити утримательну сістему фінанцованя, котра бы хосновала і грошы мімо державного розрахунку і еврофондів. „Алтернатівно бы мож было думати о заведжіню поплатків за уквартельованя в хороненій теріторії, з котрых бы часть ішла до односной теріторії. Профіт бы в тім припаді знижыв ся на 2,7 міліона про вшыткы народны паркы,“ конштатує ся в завершалнім документі з ревізії втрат на жывотне оточіня. Далшыма жрідлами мають быти концесії за выконованя актівностей в хороненых теріторіях, адопційны проґрамы, членство в клубі приятелів парку і споплатньованя неґатівных екстерналіт.
(Петро Медвідь)