Аж 11 з 12 банк Словакії днесь понукать гіпотеку з уроковов таріфов на границі або під границьов єдного процента. Указало то дослідженя порталу Фінанчна гітпарада. Лем переднедавном ся притім на торгу шпекуловало, же ся Словакія достала на урокове дно при уверох на фінанцованя бываня, од котрого ся таріфы одразять і будуть лем рости. Много клєнтів в тім часі начерпало гіпотеку і тішило ся історічній найнижшій таріфі. За інформаціями порталу шак урокы ся понижыли знова на нове історічне мінімум. Выгодный урок шак немусить достати каждый. Найнижшы комунікованы таріфы банк суть часто шыты про клєнтів з надсередньов бонітов, з одношіням вышкы гіпотекы к ціні заложеной негнутелности до 80% і часто становленов і купов дальшого продукту банкы. Ключом к низькій таріфі є і довжка фіхації. (TASR, Pkf)