Презідентка СР Зузана Чапутова выразила щіре співчутя позосталым жертв і вшыткым, котрых постиг траґічный ночный пожар в Гандловій. Увела то на своїй соціалній сїтї з тым, же жытелём засягнутым пожаром понукла уквартелёваня в заряджіню презідентьской канцеларнї у Высокых Татрах. Презідентка подля своїх слов телефоновала і з пріматорков Сілвіёв Ґруберовов, котра ю інформовала о актуалній сітуації. Пожар в бітовім домі на Окружній уліцї сі выжадав штири жертвы на жывотох, на ёго наслїдкы умерла манжелска пара у віку 46 і 48 років а дві жены у віку 40 і 65 років. Зранїня утерпіло далшых пять людей, двоє остали госпіталізованы в бойніцкім шпыталю.

(TASR, Шутіова)