Словеньскый презідент Андрій Кіска абсолвовав у четверь на замку в середнёчеськых Ланох стрічу з презідентом Чехії Мілошом Земаном. До Ланів Кіска пришов в рамках розлучковой навщівы Чехії перед кінцём свого мандату, інформовав о тім справодайскый сервер Noviny.cz. ,,Будеш мі хыбовати, Андрію,” розлучів ся Земан з Кіском. Підчеркнув притім, же і наперек вынятковым назоровым роздїлом собі з дослугуючім словеньскым презідентом довіровали і невыступляли проти собі. Кіска по стрїчі оцїнив взаємны одношіня обидвох держав.

  (TASR, Шутіова)