В склепах і накупных центрах буде од 1-го октобра обмеджена кількость особ. Одкрыты будуть годны быти лем такы місця публічного стравованя, де ся сидить. В повязаню з рештрікціями проти розшыріня нового коронавірусу о тім вчера інформовав председа влады Іґор Матовіч. Заказаны будуть вшыткы културны і шпортовы події, включно богослужінь. Ношіня охранных масок буде повинне і в єкстерьєрі, покля не сьте з членами єдного обыстя, або покля не мате діштанцію 2 метры од людей. Влада роздумує і о выголошіню стану нужды. Як вчера інформовав премєр, місця публічного стравованя, в тім чіслі і бары, будуть годны быти одкрыты од 6.00 год. до 22.00 год. Поволеный буде продай їдла через облачок і його розвоз нонстоп. Проти новых наряджінь ся вже озвала Конференція епіскопів Словакії. Звернули увагу, же заказати служыти священикам можуть лем єпіскопы.

(Медвідь, TASR)