Стратеґіа в сітуації заскіпіня протів новому коронавірусу є покы заснована на доброволницьтві і предположіню, же собі люди усвідомлюють выгоды вакцінації. Повів то міністер здравотницьтва СР Марек Крайчі в онлайн форматі діскусії TV Markíza На тіло плус. Його колеґа в діскусії – міністер школства, наукы, дослідженя і шпорту Браніслав Ґроглінґ є тыж пересвідченый, же поможе позітівный едукачный приступ. Крайчі потвердив, же заскіпіня буде задарьмо, в сітуації конкретной вакціны є потрібне очікувати на розвиток.  За пріорітне поважує заскіпіня найрізіковішых ґруп обывательства.  Темов релації было і носіня рушок в часі першых двох тыжднів нового школского рока. На другім ступіні мать быти повинне, на першім рекомандуване. (TASR, Pkf)