В процесї ліквідації невыбухнутой муніції на Українї може Словакія зограти розгодуючу задачу. Може партіціповати на одмінованю теріторії, яка пересїгує десятьтісяч квадратных кілометрів. Увів то ґенералный директор сполочности WAY INDUSTRIES Крупіна Йозеф Марініч. Фінанцовати одмінованя на Українї бы мав помочі і зверенецькый фонд, котрый на тот цїль зрядила Североатлантічна аліанція (NATO). „Словакія бы собі мала в рамках того фонду ініціатівно і актівно уплатнёвати свій мандат. Моментално ся находиме у фазї розвитку доктрін і цертіфікованых поступів україньскых беспечностных зложок. К самому механічному одмінованю і обстараню пристроїв на одмінованя прийде наслїдно,“ высвітлив Марініч. В одмінованю має подля Марініча Словакія барз добру меджінародну репутацію.
(TASR, Цітрякова)