Словакія в рамках дебат о міґрації на самітї ЕУ підпорить погляд председу Еуропской рады Доналда Туска. Перед зачатком двойднёвого саміту то повів председа влады СР Роберт Фіцо: „Чекать нас днесь нарочна діскусія о міґрації. Знам, же дакотры країны не суть надхнены з писма, котре послав Доналд Туск. Я тверджу, же лем точно назвав то, што є правда. Же квоты суть неефектівны. Тверджу, же ту не йде лем о технічну сторінку квот. Іде ті і о політічну сторінку, затоже тото розгоднутя, котре было прияте векшыновна прислушній Радї міністрів внутрїшнїх дїл, значно роздїлило ЕУ. А хочу попередити, і повім то і днесь, неробме подобны хыбы до будучности. То што повів Доналд Туск є свята правда, же тоты розгоднутя роздїлюють Европску унію“. Фіцо додав, же подобнї допало і розгоднутя о переміщіню аґентур ЕМА і ЕБА з Лондона, коли ся новы членьскы країны не дочекали ани наповніня наставленых крітерій, ани справодливішого дїлїня міджі старшы і новы членьскы країны, бо обидвы важны аґентуры ся находять на западї.
(TASR)