Тогорочны рождественны свята пережыло в словацькых арештах скоро 260 чуджінцїв. TASR тім інформовала говоркыня  Збору арештантськой і юстічной стражі Моніка Кацвінска. Ку 18. децембру ся подля нєй в Уставох на выкон арешту і Уставох на выкон тресту однятя слободы находило 257 чуджінцїв. З них было 135 обвиненых а 122 правоплатно одсудженых. Найвекшу ґрупу чуджінцїв, 54 особ, творили Українцї, наслїдно за нима є 41 Чехів, 28 Румунів і 27 державных прислушників Молдавії. Рождественны свята пережыли за мурами словацькой басы і чуджінцї з такых еґзотічных країн, як напр. Сіерра, Сірія, Ніґерія, Пакістан, Афґганістан, Камерун, Вєтнам ці Ірак.

(TASR, Шутіова)