Припоминаме собі 105-ту річніцю выникнутя Чехословацькой републікы, котрой частьов стали і теріторії Русинів на юг од Карпат
![](https://www.rusyn.fm/wp-content/uploads/2023/10/105-oslavy-1.-CSR.jpg)
Два дні по тім, як в Празі 28-го октобра 1918-го року Народный выбор чеськословеньскый прияв закон о вытворіню незалежной Чеськословеньской републикы (ЧСР), в Турчіанскім Святім Мартіні ся одбыло згромаждіня, на котрій ся Словаци деклараційов приголосили к сполочному штатному звязку з Чехми. Од приятя Декларації словацького народа, знамой як і Мартінска декларація, минуло днесь 30-го октобра 105 років. Подія ся на Словакії од року 1993 припоминать як памятный день – Річниця Декларації словацького народа. В року 2018 з нагоды 100-той річниці приятя декларації ся єднократньо славив 30-ый октобер як штатне свято. З нагоды 105-той річніці выникнутя Чехословацькой републікы, котрой частьов стали і теріторії Русинів на юг од Карпат, членове презідії Округлого стола Русинів Словакії положыли в суботу ку памятнику першого презідента Томаша Ґаріка Масарика в Братіславі вінець із написом: „При нагоді 105. річніці выникнутя ЧСР вдячны Русины.“ (TASR, Pkf)
-
Назад / Nazad Міністер внутрїшнїх дїл одкликав шефа ПЗ Ш. Гамрана
-
Далше / Dalše Презідентка СР Зузана Чапутова є приправена на предметну і конштруктівну дебату з владов