Презідент Словацькой републікы Андрей Кіска нагородив в понедільок із нагоды 25-ой річніці выникнутя Словацькой републікы 25 особностей сполоченьского і културного жывота. Державны нагороды собі перевзяли з його рук в концертній салі Словацькой філгармонії в братіславскій Редуті. На церемоніалі брав участь председа Народной рады СР Андрей Данко, председа влады Роберт Фіцо, депутаты Народной рады СР, вецеро міністрів і далшы представителі публічного жывота. Выбер нагородженых, їх особны і людьскы якости суть подля презідента принагодов вказати, што досправдово тырвало збогачує нашу сполочность. „Што підкріплять нашу єдность, што спаять розмаїтых людей до певных комуніт. Што підкріплять здоровый і утримательный розвиток нашой країны… Вдяка чому є наш жывот в Словацькій републіці ліпшый, красшый і вартостнішый,“ доповнив.
(TASR)