Святым вечором у понедільок 6-го януара зачали святковати на теріторії Словакії Рождественны свята православны віруючі, котры святкують за юліаньскым календарьом. Тых позродовила на своїм офіціалнім сайті на сіті Facebook презідентка Словацькой републікы Зузана Чапутова. Презідентка завінчовала вшыткым пережытя тых свят в покою, щастю і кругу близкых людей. Так само подякова за утримованя той традіції, котра є „частьов нашого сполочного духовного богатства.“ Святкуючіх за юліаньскым календарьом поздоровила і в языках народностных меншын жыючіх на Словакії, котрых членове належать до православной церькви – по русиньскы, україньскы, російскы, булгарьскы і сербскы.

(Медвідь)