Поліція немать компетенції рішыти порушіня інтерных предписів при записі авдіовізуалных творів. Повів то презідент Поліцайного корпусу Петер Коварік в реакції на посланця Народной рады СР Маріяна Котлебу, котрый в діскусній релації на RTVS немав на лиці рушко. Коварік окрім того підчеркнув, же выїмкы при носіню рушок опреділює Уряд верейного здравотницьтва СР. Додав при тім, же як існує похыбованя о протіправности проводжіня выступаючого, тото буде рішыти призначеный справный орґан. У звязку з выступліньом посланця планує підпредседа Народной рады СР Юрай Шеліґа днесь подати імпулз на Уряд верейного здравотницьтва СР і Окресный уряд в Братіславі. (TASR, Pkf)