Пензії на Словакії бы ся мали в будучім року звышыти о 2,9 %, в наслідуючіх роках шак будуть рости уж в меншій мірі. В 2021-ім року бы мали ся звышыти о два процента і в  2022-ім року о 2,1 %. Рахує з данов пропозиційов Соціална поіщовня (SP) на будучій рік, котрый буде одобрювати парламент. В будучім року і в 2021-ім року буде ся при пензіях поужывати валорізачный механізм, за котрым ся звышать о меджірічный ріст спотребітельскых цін за домашнє господарьство пензистів, мінімально шак о два процентів зо середньой місячной сумы зодповідаючого сорту пензії. Од 2022-го року буде зміна і будуть ся звышовати за меджірічным рістом спотребітельскых цін за домашнім господарьством пензистів. (TASR, Pkf)