Параґраф 363 Карного порядку (Trestného poriadku) не є в конфлікті з Уставов СР. Вырішыв о тім вчера Уставный суд СР, кідь неуспокоїв пропозиції ґрупы посланців і презіденткы СР Зузаны Чапутовой, котры параґраф на суді напали. Вердікт плена Уставного суду (УС) ознамив председа УС Іван Фіачан. Параґраф давать можность ґенералному прокураторові зрушыти правоплатный вердікт прокуратора або поліцайта, і такым вердіктом або в діяню, котре му передходило, быв порушеный закон. Даный оправный інштрумент є подля суду поістков дотримуваня закона в приправній фазі карного діяня. (TASR, Pkf)