На Словакії ся однесь до четверьга зыйшли воєньскы здравотниці з країн Вышеградской ґрупы. Конференцію воєньского здравотницьтва орґанізує Уряд головного лікаря СР. Акція ся одбывать в Ліптовскім Мікулаші з нагоды словацького председницьтва в данім форматі. Словацьку пресову аґентуру о тім інформувала говоркыня Міністерства обороны СР Данка Цапакова. Цілково на даній акції бере участь 61 заграничных і 19 словацькых делеґатів. Єй цільом є проглубити оборонну сполупрацу країн і в області воєньского здравотницьтва. (ТАСР, ПКФ)