Франтішек Міклошко не прийде на робочій обід з представителями OĽaNO і двома далшыма презідентьскыма кандідатами Робертом Містріком і Зузанов Чапутовов. Про TASR то потвердила його говоркыня Ева Ґутлерова. Міклошко зіставать на своїй позіції, же не роздумує о одступліню на благо іншого кандідата. Іґор Матовіч минувшый тыждень авізовав, же запрошать трьох презідентьскых кандідатів – Чапутову, Міклошка і Містріка, на їднаня за округлым столом. Думать, же тота троїця бы ся мала іщі перед першым колом доїднати на сполочнім кандідатови, котрого потім OĽaNO підпорить. Містрік і Чапутова позваня на обід прияли.

(Медвідь, TASR)