Матовіч бы про спор зо Суліком владу не положыв
![](https://www.rusyn.fm/wp-content/uploads/2020/10/t_12102020_tk_matovic_5733431.jpg)
Премєр Іґор Матовіч бы коаліцію про спор з підпредседом влады і міністром господарьства Ріхардом Суліком не положыв. Наперек тому крітікує Суліковы высловы на адресу фаховців і прирівнав го ку котлебовцям, котры пошырюють дезінформації і о новім коронавірусі. Премєр повів, же крізовый штаб в неділю принимав найскладніше рішіня про Словакію за остатніх 70 років. Матовіч ся оправдав за Суліковы высловы вшыткым членам пандемічной комісії і Централного крізового штабу. Вірить, же Ріхард Сулік выведе в припаді згіршіня сітуації запричіненой коронавірусом особну одповідность і наставить собі сам дзеркало. Ріхард Сулік в неділю передчасно одышов з крізового штабу і крітіковав запераня ґастрономічного сектору ці далшых областей, што подля нього зничіть економіку. Од фаховців жадав даны о епіцентрах інфікації, котры подля його слов не дістав.
(Медвідь, TASR)
-
Назад / Nazad Котлеба одсудженый
-
Далше / Dalše Орґанізаторы културных акцій будуть мати можность продовжыти діяня закупленых листків до кінця юна 2022-го року