Летецькы оправовнї Тренчін (ЛОТН) завершыли змлуву о додаваня служеб на конштрукчно-технолоґічну підпору ґенералных оправ вертулників тіпу Мі-8 і Мі-17 конштрукчной канцеларнї компанії НЦВ Міл і Камов. Змлуву з компаніёв JSC Russian Helicopters підписали 6.новембра в Москві ґенералный директор і председа представенства ЛОТН Любомір Ґалко. TASR о тім інформовала говоркыня Міністерства обраны СР Мартіна Коваль Какащікова. Директор ЛОТН означів змлуву за важну, підкреслив, же были годни ся скоро договорити. Крокы нового ґенералного директора штатной акціовой компанії оцїнив і міністер обраны Ярослав Надь (OĽANO). ,,Словакія єднозначно мать потенціал і в области оправ летецькой технікы,“ сконштатовав.

(TASR, Шутіова)