Вытворити платформу на діскусію  о філозофії новой леґіслатівы в області прав народностных меншын і презентовати іншпіратівны моделы охраны споминаных прав суть основны цілі меджінародной конференції, котру під назвов Леґіслатівны моделы охраны прав народностных меншын орґанізує завтра Уряд уповномоченого влады СР про народностны меншыны. В панеловых діскусіях ся выступаючі будуть заоберати вопросом, ці мать мати Словакія окремый закон оформлюючій права народностных меншын, а наслідні, якы суть основны потребы і очікуваня народностных меншын в міняючій ся сполочности. Прах і моделы леґіслатівы в області народностных меншын будуть презентувати заступникы словацькых самосправ в Мадярьску і Сербії і заступникы уряду про меншыны в сербскій Войводині, так само член Рады влады Чеськой републикы про народностны меншыны Рене Петраш. (TASR, Pkf)