Европска комісія ознамила, же закінчіла правне конаня проти Словакії за можность заказу вывозу лїків. Комісія доспіла к заключіню, же місто конаня о несповніню повинностей є треба глядати іншы способы, як вырїшити тоту сітуацію. Словакія од року 2013 завела можность заказ у експорту лїків, в припадї їх недостатку. Леґіслатіва ся але не любила Европскій комісії зато зачала проти Словакії конаня о порушіню правных предписів. Крітізованый заказ наконець зрушила новела закона о лїках, котра зачала платити од януара 2017 рока. Одтогды лїкы граджены з верейного здравотного поіщіня можуть вывозити лем їх выробцове і тоты, котры мають реґістрацію, нє дістрібучны фірмы.
(TASR, Цітрякова)