Доправны значкы в селах з меншыновым жытельством можуть по новім быти двойязычны. Інформовали о тім представителї партії Мост-Гід. „У выглашцї сьме забудовали таку пасаж, котра забеспечує, жебы ся доправны значкы могли поужывати мімо штатного языка і в іншых языках, то значіть в языках народностних меншын. Змінов той выглашкы сьме одстранили адміністратівны пегороды к поступному заведжіню двойязычного доправного значіня з текстовым написом,“ увів у четверь на прессконференції в Братїславі владный сповномочненый про народностны меншыны Ласло Буковскый. Подля ёго слов має іти о значкы – заказовы, приказовы, значкы інформатівного характеру і смеровы значкы а додатковы таблы. Дотуляти бы ся то могло веце як 600 сел. Інформацію принесла Тлачова аґентура Словацькой републикы.

TASR