Скоро 200 школскых бібліотек в основных  і середніх школах собі днесь обогатить едукацію орґанізованям акцій  з нагоды Меджінародного дня школскых бібліотек, котрый ся каждорочні славить в четвертый октобровый понеділок. Інформнує о тім Міністерство школства, наукы, дослідженя і шпорту СР на своїй інтернетовій сторинці. Школскы бібліотекари в сполупраці з учітелями і выховавателями по цілій Словакії будуть в часі понеділька реалізувати розмаїты актівіты, котрых цільом  буде забавныма формами праці  з книгов підпорити у учнів добры і тырвалы односины ку книгам, школскій бібліотеці і к чітаню і познаваню нового. Міністер резорту школства Браніслав Ґролінґ на соціалній сіті увів, же школскы бібліотекы резорт школства в минулім року підпорив сумов скоро 750.000  евр на накуп белетрії про школярів. (TASR, Pkf)