Депутаты Народной рады Словацькой републікы по вікендовій перерві продовжують од днесь рана в 6-ім засіданю парламенту. Засіданя зачало діскусійов о пропозіції на скороченый леґіслатівный процес ку новелі Карного закона, котра тырвать уж тыждень. Пополідне чекать депутатів і міморядне засіданя, котре ініціовали депутаты за KDH. Хрістіаньскы демократы хотять одкликати з функції підпредседы парламенту Любоша Благу. Одкликовати го хотять уж другый раз в реакцїії на відео, в котрім одсторонив у своїй канцеларії флаґ Европской унії і портрет презіденткы Зузаны Чапутовой, якый вычеряв за портрет комуністічного представителя Че Ґевары. Поліція в припаді портрету Че Ґевары зачала карный процес.

(Медвідь, TASR)