Депутаты Народной рады Словацькой републікы продовжуть од днешнього рана в 9-ім засіданю. На початку обговорили опозічну новелу закона о дісціплінарнім порядку Найвысшого справного суду, котру подали депутаты PS. Цільом є змінити кворум, яке є потрібне на поданя пропозіції на дісціплінарный процес проти ґенералного прокуратора з тьох пятин депутатів парламенту на єдну пятину. Депутаты мали днесь рано зачати їднати і о пропозіції на скороченый леґіслатівный процес ку владній новелі закона о охрані оголошователів протиобщественной діятельности. Но міністер внутрішніх справ Матуш Шутай Ешток ся з їднаня оправдав. Почас цілого тыждня бы депутаты не мали голосовати, найблизше голосованя їх чекать о тыждень у віторок.

(Медвідь, TASR)