У віторок ся в Бырнї зачав найвекшый велеторг поматурітного і цїложывотного навчаня Ґаудеамус Бырно 2024. Першыраз за 30 років на нім мать своє заступлїню і СР. Словацькы верейны высокы школы ся там представлюють дякуючі средствам з Плану обновы, котры на тот замір додало Міністерство школства, баданя, розвитку і молодежі СР. Міністер школства Томаш Друкер увів, же єдным з цїлїв є ,,одхоплїня“ молодых людей, котры звычайно приходжають на велеторг глядати чеську або інакшу загранічну высоку школу. СР подля нёго своёв участёв будучім высокошколакім указує, же і на Словакії суть якостны высокы школы, котры мають што понукнути.

(TASR, Шутіова)