Влада Словацькой републікы на вчерашнім онлайн засіданю схвалила заказ довозу україьнського зерна і дакотрых польногосподарьскых комодіт з Україны, но не заказала їх транзіт через Словакію до іншых країн. Заказ бы мав быти платный од середы. Уж перед тым через вікенд такый заказ прияли Будапешть і Варшава. Европска унія на марґо заказу, котрый прияла і Словакія, повторила становиско, подля котрого єдносторонны крокы членьскых держав Унії з цільом хранити свій аґросектор суть неприятельны. Партія Hlas-SD вчера на пресконференції в повязаню з тым, же в україньскім зерні на Словакії нашли ся заказаны пестіціды, высловила ся, же іде о найвекшу кавзу сучасной влады і жадать безодкладне рішіня сітуації.

(Медвідь, TASR)