В Братіславі открыли великокапацітне асістенчне центрум помочі про міґрантів з Україны. Зрядило го главне місто в сполупраці зо штатом, незісковым і приватным сектором в просторах бывшой дочасной автобусовой станіці на Боттовій улиці. Центрум буде фунґовати неперерывно і міґрантам дасть комплетну поміч. На днешній пресконференції о тім інформували заступцове главного міста і штату. Центрум бы мало доказати обслужыти в сітуації потребы аж 2500 людей за день. Окрім потравы ту найдуть і потрібны інформації, простор на оддых і выбавліня потрібной документації. Своє одділіня ту мать і цудзінецька поліція. (TASR, Pkf)