Рефундацію найму запертым превадзкам чує віцепремєр про економіку і міністер господарьства Ріхард Сулік як пріоріту, на котрій ся хоче чім скоріше  договорити з коалічныма партнерами. Подля діскутованого моделу бы векшу часть наёмного переплачав штат, превадзкователі бы платили лем низьке проценто. Єдночасно потвердив, же вєдно з міністром доправы Андрейом Долежалом робить на кроках у звязку з туристичныма канцеларіями і їх клєнтами. Конкретны крокы бы мала влада подля Суліка представити найпізніше на будучій тыждень. (TASR, Pkf)