Сітуацію з кількостьов высокых школ на Словакії планує міністер школства, наукы, дослідженя і шпорту Браніслав Ґрылінґ рішыти. Як повів в дебаті про пресову аґентуру  TASR, ,,мы сьме собі здевалвовали высокошколске оточіня тым, же маме барз вельо высокых школ. За послідні рокы сьме недбали аж так на то, абы была на першім місці квалітна освіта, але абы было чувство, же мам діплом. А з тым ся мусиме  вырівновати.“ Подля міністра школства є потрібне высокы школы даякым способом інштитуціоналізувати. Каждый кто собі выбере высоку школу, буде мусіти знати, де ся єй абсолвент знать заместнати і якый буде мати середній заробіток. (TASR, Pkf)