Лідер мімопарламентной партії За людей і ехпрезідент Андрей Кіска подасть в пятницю (14. 2.)  карне ознамліня за  криве обвиніня і огваряня у звязку з опублікованым відеом, на котре много медій попередив анонім. Інформував о тім на соціалній сіті. Актеры відеа суть свідок з його процесу в кавзі фундушів Михал Шуліґа і Мілан Реіхел споёваный з попрадскым подсвітьом. „Є то прімітівне відео двох барз злых герців, котры собі незаслугують довіру, котрых досліджує поліція за многы подводы. Обідвоє говорять за ясні допереду приправеным сценарьом і є то аж траґікомічне,“ реаґував Кіска. Твердить, же Реіхела николи невідів і од Шуліґовой компанії куповав фундушы на основі інзератів опублікованых в новинках, котры і в статусі опубліковав. (TASR, Pkf)