Амбулантны поготовости будуть по новім фунґовати лем до 22 годины. Їх коротшый ход, котру приносить новела закона о здравотній старостливости, вчера одобрили посланці Народной рады Словацькой републикы. Міністерство здравотництва хотіло їх цілоночный ход спочатку скоротити до 23 годины. Законодарцове шак одобрили і позмінюючу пропозицію здавотного выбору, абы фунґовали ші о годину коротше. Із змінов быв згоден і шеф резорту Томаш Друкер. Днешні лікарьскы службы першой помочі бы мали заникнути найпізніше через літо будучого рока. По новім мать взникнути такзвана певна і додаткова сіть в подобній формі днешньой поготовости. В певній сіті бы мала амбулантна поготовость по новім фунґовати в каждім окреснім місті в працовных днях од 16.00 до 22.00 годины, в дньох працовного покоя в часі од 7.00 до 22.00 годины. Додаткова поготовость буде на добровольній базі, к диспозиції може быти в робочіх днях неперерывно в розсягу найменше двох годин в часі, кідь будуть фунґовати звычайно амбулантны поготовости.
(Петро Кімак-Фейко)