З ґрантового проґраму Шаріш людям розділять 16 тісяч eвр. O ґрант можуть орґанізації жадати до 20-го мая. Іде о реґіоналны проєкты на розвиток турістікы, обнову памяток і далшых вызначных сімболів Пряшівского краю, котры підпорить Пивовар Шаріш. Каждый жадатель може подати єден проєкт. O тім, хто дістане дотацію, буде вырішовати ґрантова комісія і одборници на реґіоналный розвиток. Выслідкы будуть опублікованы до 30-го юна. Окремы проєкты будуть люди оціньовати і голосованьом на інтернеті. Oрґанізація, котрой проєкт здобуде найвеце голосів, буде нагороджена сумов тісяч евр. (HE 24 –А.Кузмякова)