Погода 28.7.2017
Днесь буде переважнї захмарене, містами з преганками, доджом а унікатно і бурями. Найвысшы денны теплоты 22 аж 25 ґрадусів. Теплота на горах у вышцї 1500 м коло 12 ґрадусів. Дути буде слабый вітор. В ночі переважнї ясно, з теплотами 14-16
О кавзї научных еврофондів знали міністры скорше
Міністры знали о кавзї научных еврофондів скорше, як ректоры написали писмо. Плавчан зато іщі перед тым дістав задачу спустити контролю. Міністер Мадяріч теперь говорить, же кідь ся подозрїня потвердять, буде то на одволаня одповідной особы. (Зденка Цітрякова)
Проєкт лановкы на Штрбскім плесї ся вертать на зачаток
Проєкт на выставбу лановкы на Штрбскім плесї ся назад вертать на зачаток. Найвысшый суд проєкт стопнув. О вынятку на ставбу, котра засягне теріторію з найвысшым ступнём охраны буде мусїти зась розгодовати окресный уряд. (Зденка Цітрякова)
Коло Братіславы затримали авто з міґрантами
В Яровцях коло Братіславы поліція затримала авто повне міґрантів. В авті з австрійскым евіденчным чіслом перевожав 38-річный Словак 11 особ з Іраку, Сірії і Пакістану, меджі нима было і троє дітей. (Анна Кузмякова)
Презідент Кіска выменовав 15 судців
Презідент СР Андрей Кіска вчера выменовав 15 судців без часового огранічіня. Судцове перевзяли декреты і до рук презідента зложыли святочный слюб. Презідент припомянув, же залежыть на способности судців реално, слушні і терпезливо комуніковати з верейностьов, котра є їх найпріснішым крітіком.
Польско може прийти о право голосованя в Унії
Польско може прийти о право голосованя в ЕУ, покы до місяця не налагодить контраверзну юстічну реформу в згоді із правом унії. Інформовав о тім Франс Тімерманс, підпредседа екзекутівы ЕУ. Варшава тот „ултіматум“ не приїмать і зареаґовала на нього крітічно з
Приміря на лібаноньско-сірскій граніці
В гористій области лібаноньско-сірской граніці, де вєдно боює рух Гісбалаг із сірсков армійов проти ісламскым радікалам, днесь вступило до платности приміря. (Анна Кузмякова)
Натанягу хоче заперти телевізію
Ізраільскый премєр Натанягу хоче заперти єрусалимску редакцію телевізії ал-Джазіра з центром в Катарі. Телевізію обвинив з того, же давать імпулз до насилства почас сучасной напруженой сітуації коло Храмовой горы в Єрусалимі. (Анна Кузмякова)
Бывшый урядник міністерстава першыраз правдиво о настінковім тендрі
Бывшый урядник міністерства выставбы Радослав Бегул, котрый є обжалованый в кавзі настінковый тендер, вырішыв першыраз одкрыто говорити о тім, як тендер проходив, хто го рядив і як його бывшый міністер Штефанов вєдно з адвокатами Гатванійом і Ленчешом пересвідчіли, жебы на
34 отравеных людей в меджінароднім таборі на Україні
В меджінароднім літнім таборі на Україні ся отравило їдлом 34 людей, котры скінчіли в шпыталю. Меджі участниками табора в горскій Іванофранківскій области Україны є 14 Німців, 11 Поляків і девять Українців. В таборі было довєдна высше 150 людей. Причіна отравы
Русиньскы фестівалы в неділю
Музика без граніць в недалекых польскых Явірках, Фіґлярьска нота в Баєрівцях, Фестівал русиньского і шарішского фолклору в Бардейовскых Купелях – то суть три културны події, на котры уж тоту неділю позывать їх орґанізатор – Русиньска оброда на Словеньску. (Анна Кузмякова)
Карамбол америцького авта
При пересуні америцького конвоя через теріторію Словакії ся вчера вечур коло Ґіралтовець став карамбол, інформовала о тім Данка Цапакова, говоркыня міністерства обраны. Америцьке авто зышло з драгы по тім, як хотіло обкеровати румуньскый каміон. При гаварії ся нихто не зранив.
Турістічный поход ку дзвоніці
Клуб воєньской історії Бескіды выбудовав влони нa боїску Великой войны, на верьху Скоры, над селом Гостовіці, двоніцю на почесть павшым в першій світовій войні. Meджі нима было і много нашых родаків. В тім році ку двзоніці прибыв і научный ходник,
Карамбол америцького колоточа
При карамболі колоточа в америцькім Огію загынув єден чоловік а далшых 7 людей было важно пораненых. Колоточ почас ходу вышмарив людей до люфту. Причіна нещастя затля не є знама. (Анна Кузмякова)
Погода 27.7.2017
Полоясно аж захмарено, місцями додж і бурі. Найвысша денна теплота 21 aж 26 ґрадусів, в Жіліньскім краю і на Спішу лем коло 16 аж 21 ґрадусів. Теплота на горах у вышці 1500 м коло 10 ґрадусів. Переважно северозападный вітор 3
