Катар планує звышыти продукцію пліну о 30 процентів
Політічні ізолованый Катар в дальшых рокох хоче звышыти цілкову продукцію земного пліну о 30 процентів, інформував о тім штатный подник Катар Петролеум. Тот замірь штатный подник ся розгоднув зробити день потім, як емірат одовздав свою одповідь на зознам пожадавок арабскых
О кошыцьке летіско є фурт великый інтерес
В першій половині рока 2017 летіско Кошыці прівітало 187 126 путуючіх, што представує меджірічный наріст о 11 процентів. В конкретных чіслах іде о наріст 18 384 путуючіх в порівняно с першов половинов 2016 рока. Найбівше путуючіх выужыло лінкы з Кошыць до Братіславы,
Погода 5.7.2017
Мала, поступово місцями збівшена захмареність. Вынятково, головно на севері і выході переганкы або бурї. Денна теплота 26 аж 31, на Кісуцях, Ораві, на Ліптові і на Спіші коло 24 ґрадусів. Слабый, поступово переважно югозападный вітор до 5 метрів за секунду.
Міністерство доправы опубліковало дальшу вызву на затепліня родинных домів
Властникы родинных домів, котры хочуть затеплити свою негнутелність, на тот крок можуть знова здобыти дотацію од штату. Міністерство доправы і выставбы Словацькой републикы опубліковало в тых днях на своїм інтернетовім сайті уж третю вызву на передкладаня жадостей на фінанцову поміч
Народне згромаждіня высловило довірю владі Едуарда Філіпа
Французке Народне згромаждіня вчера у вечірных годинах высловило довіря владі премєра Едуарда Філіпа. Влада, котрой владный проґрам вчера Філіпе в парламенті представив, підпорило 370 з 566 голосуючіх посланців. Владный проґрам 67 посланців одмітнуло підпорити а 129 посланців ся голосовання стримало.
Чісло радікалных екстремістів в Німецку росте
Німецкы безпечностны уряды евідують все вецей радікалных салафістів і поважає дальшы ісламістіцкы атакы за реалны. Діло в тім, же в Німецку од року 2016 є німецкыма урядами слідуване рекордне чісло насилных правіцовых і лявіцовых екстремістів. В посліднім часі чісло салафістів
Бесплатне паркованя перед шпыталями
Oд 1-го юла платить новота міністра здравотництва Toмаша Друкера. Першы штири годины паркованя в ареалі выбраных штатных шпыталів суть про пацєнтів, їх супровод і навщівы бесплатны. До такых належыть кошыцькый Універзітный шпыталь Луя Пастера, Дітьскый факултный шпыталь Кошыці, Выходословеньскый онколоґічный
Савдьскоарабскый краль не прийде на саміт
Савдьскоарабскый краль зрушыв участь на саміті G20 про крізу в Перзькім заливі. На саміт, котрый ся одбуде 7-го – 8-го юла в німецькім Гамбурґу піде намісто нього міністер фінанцій Mугамад aл-Джадан. На саміті ся зыйдуть світовы лідры в тім чіслі
Росія пришла о міліарду доларів
За послідні штири місяці Росія пришла про одлив загранічного капіталу о веце як 1,6 міліарды доларів, што є найвеце од 2013-го року. На причіні є сістематічне охолоджованя контактів меджі Moсквов і Западом на челі Споєных штатів Америкы. (Анна Кузмякова)
Учітелі жадають реакцію міністра школства
Бывшый міністер Петер Пелеґріні повів, же выслідкы нашых школярів суть ганьбов. „Певно вірю, же на ганливы высловы на адресу учітелів зареаґуєте і же тото подобно як я, берете як свою основну задачу вашой позіції,“ написав в писмі шеф Словеньской коморы
Італія жадать поміч европскы штаты
Eвропска комісія днесь представить пропозіції на поміч Італії, котра мать проблемы з приходом міґрантів. Таліяны в неділю вызвали, жебы европскы штаты отворили приставы шыфам з міґрантами, котры приходять до Европы через Середньоземне море. (Анна Кузмякова)
Єднотный центер европосланців
Eвропосланці ся знова намагають ожывити ідею єднотного центра свойой інштітуції і завершыти пересельованя з Бруселу до Штрасбурґу. Компензаціов про Французів бы могло быти переселіня Европской аґентуры про лікы з Лондона. (Анна Кузмякова)
В Пряшові 168 фотбаловых команд
В Пряшові проходить вызначна шпортова подія – 16-ый річник фотбалу „Fragaria Cup“. На тогорічнім змаганю бере участь 168 фотбаловых команд із 14 країн Eвропы. Змаганя проходить в 8-ох віковых катеґоріях – хлопців oд 8 до 15 років і єдной катеґорії
Найвекша даньова реформа в Індії
Iндія зачала найвекшу даньову реформу од 1947-го року, кедь країна здобыла незалежность. Торг із 1,3 міліардами жытелів буде першыраз єднотно зданьовати товар і службы. (Анна Кузмякова)
Гаварія на німецькій автостраді
Гаварія автобусу з каміоном на німецькій автостраді А9, недалеко чеськых граніць, собі выжадала аж 18 мертвых і 30 раненых. Автобус з людми путуючіма зо Саска до Італії по набуряню зачав горіти. Причіну гаварії досліджує поліція. (Анна Кузмякова)
Comments