Музей модерного уменя Енді Варгола в Меджілабірцях допроваджають проблемы. Повязаны суть із образом найстаршого брата Варгола – Пола, під назвов Велике куряче корзо. Проблем зачав, кідь го взяв сучасный довгорічный куратор і основатель музею Михал Бицько із музею. Директорка музею на нього подала карне оголошіня. Бицько говорить, же образ є його. „Є то здокументованый мій маєток, котрый єм од нього дістав,“ думать на Пола Варголу Бицько, бісідуючі о образі. Подля Бицька є то, же іде о його маєток, здокументоване трьома писмами зо Споєных штатів Америкы, котры директорка не акцептовала. Подля Бицьковых слов хтось на зачатку фукціонованя музею заєвідовав до маєтку музею і тот образ. Директорка Людмила Штецьова подала на Бицька карне оголошіня по дакілько писемных апелаціях, жебы образ вернув, бо є частьов збіркового фонду музею і не є в їй компетенції дати твор з фонду гет. Подля їй слов ся теперь оцінює сітуація подля документів, котры Бицько передложыв. Штецьова повіла, же писмом ословили уж і людей в Споєных штатах, но дотеперь не пришла одповідь.
(Медвідь, TASR)