Словацькым сільскым господарьом хоче влада дати через сістем тазв. зеленой нафты 30 міліонів евр. Повів то вчера премєр Роберт Фіцо за участі підпредседів Народной рады СР Андрея Данка і Бела Буґара і міністра фінанцій СР Петра Кажіміра. Як увів: “Думаме сі, же тота сума грошей буде поужыта вынятково хосенно, протоже хочеме іти головно до підпоры тых часті словацького сільскогосподарства, де піде о вытвараня новых робочіх місць. Маме ясну представу, як тото ціле мать вызерати“. На основі премєра шак треба рахувати з тым, же ся о дану поміч з боку штату буде інтересувати і Европська комісія. “Сме шак пересвідчены, же познаме механізмы, як тоты 30 міліоны евр навыше до розрахунку сільского господарства понукнуты сільскым господарьом так, же то небуде бране за неоправдану штатну помічь, же тоты выдавкы будуть леґітімны а же їх будуть мочі сільскы господарї схосновати, “ повів Фіцо.
(TASR)