Словакія є в рамках Североатлантічной аліанції актівным членом. Згодли ся на тім міністер обороны Петер Ґайдош і верьхный велитель споєнецькых сил НАТО в Европі ґенерал Картіс Скапаротті, котрый є єдночасно велительом Европского велительства Армії США. Як далше аґентуру SITA інформовала говоркыня Міністерства обороны Данка Цапакова, Ґайдош і Скапаротті діскутовали в просторах міністерства о актуалній домашній і меджінародній політічно-воєньскій сітуації, можливостях співпраці в рамках НАТО і повніню обовязків, котры з членьства выходять. „Безпечностне оточіня безпрестайно мінить ся. Словакія як член Североатлантічной аліанції тоту реалность видить і актівно підтримує актівности, котры давають вклад ку посилньованю обороы і безпечности в Европі і у світі,“ повів по стрічі міністер Петер Ґайдош.
(Петро Медвідь)