Село Кореївці в свідницькім окресі оставать без старосты. Maрек Фек, котрый ту старостовав од послідніх комуналных волеб, ся вздав фукції. Хоць председа Народной рады Андрей Данко выголосив на 27-го януара доповнюючі вольбы, жадный кандідат ся не нашов. Село з нецілыма 80 жытелями подля слов Фека рядить заступця старосты і раз до тыждня ходить помагати робітничка з окресного уряду. Проблем Корейовець і далшых малых сел є в тім, же многы старостове роблять на менше як третиновый увязок а так мусять мати і далшу роботу на выжытя. Подля слов Фека  старостованя выжадує барз вельо часу на єднаку роботу, як мають старостове векшых сел, котры роблять на повный увязок. Як інформовав Михал Калиняк, говорця Здружіня міст і сел Словакії, проблем малых сел буде вырішеный новелов закона, котра буде платна oд 1-го марца того року.
(А. Кузмякова)