Тоту зміну сьме хотіли. Такыма словами описав міністер фінанцій СР Петер кажімір вердікт многых даньовых юрісдікцій в світі выконати зміну, на основі котрых ся уж з погляду Европской унії небудуть брати як даньовы раї. Кажімір з нагоды вчерайшого засіданя міністрів фінанцій ЕУ в Бруселі привітали вердікт, на основі котрых вісем країн было вымазаных з чорного спуску даньовых раїв. Іде о державы як Барбадос, Ґренеда, Корейска република, Макао, Монґолско, Панама, Споєны арабскы еміраты і Туніско. Як повів далі, “Тото є дослова то, што сьме хотіли, абы ся зачало діяти. Абы ся дакотры країны, котры мали бізніс модел вытвореный на вабліню фінанчных ґруп ці єднотливців, котрым ся якось нехотіло платити дані ці опублікувати якый мають свій маєток, так зачали абы ся зачали діяти зміны, і абы вшыткы мали згодны условія. Нам мусить залежати на тім, абы тоты іншы, котры чарують с фінанчныма службами, абы їх условія были адекватны, то значіть, абы сьме мали вшыткы з того погляду згодны можности.“
(TASR)