Пряшівскый самосправный край дасть і в тім році далшы міліоны на оправу драг. Іде о три области, в котрых може на тот замір здобыти фінанції. В рамках проґраму черезгранічной співпраці продовжує в модернізації драг Снина–Меджілабірці-Кросно, котре бы мало быти готове до мая. Роботы проходять і на перепоїню комунікацій Пряшів-Бардейов- Ґорліці. І ту бы ся мала обновлена драга хосновати уж в маю того року. Новотов в рамках того проґраму є проєкт модернізації споїня драг Пєніньскых народных парків, але і оправы далшых драг і мостів в области Спіша, Шаріша і Земпліна.
(А. Кузмякова)