Будова бывшой основной школы на Лїсній уліцї в Гуменнім, в якій актуално сідлить Церьковна ґімназія Яна Златоустого, Пріватна середня одоброна школа педаґоґічна і Матерьска школа Лесна, належить ід маєтку міста Гуменне. Місто приступило в мінулім роцї к дакілько реконштрукціям. „В рамках павілону Б2, де сідлить Церьковна ґімназія, было треба оправити стрїху, котра затїкала подобно як в тїлоцвічнї ОШ Пуґачевова. І в тім припадї было треба одстранити уволнены і пошкоджены части на гідроізолації, котры были награджены новов ізолаціов. Одстаранили ся тоже вшыткы клампярскы выробы і вырїшыло ся нове спадованя стрїхы, жебы ся плоха достаточно одводнила,“ увела Доханова з Містьского уряду в Гуменнім. Наконець ся подля її слов стрїха і затеплила а были в тій части будовы тоже вымінены облакы. Змінов перешов і павілон А, де были тоже вымінены деревяны облакы за новы а прибыли вонкашнї і внутрїшнї парапеты і жалузії. Інформацію принїс портал Humenne.24.
(Зденка Цітрякова)