Розділіня мочі на міністерстві школства зачало быти про владну коаліцію важніше як рішеня акутных проблемів. Думають собі представителі руху Проґресівне Словенско, котры реаґували на зміны в орґанізачній штруктурі міністерства зреалізуване його шефков Мартінов Лубійовов. В середу критикували той факт, же были одобраты компетенції штатным тайомникам міністерства і зрушеный Інштітут едукачной політікы. Припомянули, же інштітут быв ключовым при приправі проґраму “Учіаце са Словенско“. Його заник з той причины чують як “підломіня ніг приправованій реформі“ . За концетрацію мочі в руках міністеркы видять потім еврофондовый пакунок в сумі 400 міліонів евр, котрый ся буде перерозділювати. “Маме половину волебного періоду за собов, слюбована найбівша реформа за послідніх 25 років была піхнута до шуфлика, інштитуціоналні є міністерство в розвернуті, много квалітных людей одходить, много орґанізацій немать порядне веджіня, а до того ся дознаваме, же тоты мали кускы, котры добрі фунґовали, достали на фрак,“ критикував на бріфінґу перед будинком міністерства посланец Народной рады Мартін Поліачік.
(TASR)