Святы і святіцї у вытварнім уміню – така є назва найновшой выставы, яку приправив Вігорлатьскый музей в Гуменнім. Творять єй мальбы, цеховы заставы, ґрафічны роботы, іконы і рїзбы до дерева, на якых суть зназорнены біблічны фіґуры святых. Творы походять з періоду 16. аж 20. стороча, причім выстава походить із збіркового фонду Шарішского музея в Бардеёві, котры суть подля слов Даны Катанїковой доповнены о експонаты з Вігорлатьского музею в Гуменнім і о три творы з Крайского музея в Пряшові. Розмерово найвекшым є олїёмальба на полотнї на якій є зображене каяня апостола Петра. Найменшым твором є олїёмальба на блясї, де є зобрашене як краль Штефан одовздає Угорьско під покров Пресвятой Богородіцї. „Найцїннїшым образом є зображіня св. Аґнесы Римской з першой половины 16. стороча. Іде о часть крыловго олтаря з костола в Плавчу. Найцїннїшым твором є якраз про свій вік. Вызначныма творами суть іщі церковны цеховы заставы, котрых автором є напр. дуже знамый кошіцькый малярь і основатель Выходословацького музею в Кошіцях Войтєх Клімковіч. Тоты творы собі можуть навщівници Вігорлатьско музея попозерати в нашых просторах до 25. януаря 2018,“ увела Катанїкова.
(TASR)