Новый председа Пряшівського самосправного края Мілан Маєрскый хоче свою увагу при роботі звернути передовшыткым на приманіня інвесторів і здинамізуваня і зефективніня уряду і транспорту. В ньому поважує за найважніше обхват Пряшова Д1 і тунела Браніско, зачатя выставбы Р4, але і приправы на выставбу Р9. По зречіню ся уряду пріматора міста Левоча його першы активіты суть спрямуваны на рішеня транспортной ситуації в краї. Як пріоріту чує зачати дебаты с міністерством транспосту, Народнов далничнов сполочностьов, як і старостами і пріматормі о найважнішых транспортных частях в краї. Сучасно хоче становити транспортны пріоріты про розвой края, в області туризму, інвестицій, котры принесуть добрі плачену роботу про нашых людей і мотивацію остати дома, в реґіоні, при своїх родинах.
(Петро Кімак-Фейко)