Німецька сполкова влада выділила на поміч утеченцім в североафрицкій Лібії дальшых 120 міліонів евр. Інформував о тім в понеділок шеф тамтейшньой діпломації Зіґмар Ґабріел. На основі його слов мать тота поміч змірнити утерпіня обывателів Лібії, стабілізувати ю і посилнити тамтешню владу. Ситуація утеченців в Лібії є надалей драматична. На переплаваня до Европы там на основі одгадів чекать в катастрофалных условіях 400.000 аж міліон міґрантів. Міністерство заграничных справ в Берлині навысше дало 28 міліонів евр на підпору роботы Червеного хреста і Світового потравинарского проґраму в Середньоафрицкій републикі і Конжскій демократичній републикі.
(TASR, Кімак-Фейко)