Міністер роботы Ян Ріхтер затля не роздумує о абдікації. Повів то в діскузній релації телевізії ТА3. „Діскузія, котра проходить в партії, не дішла ку такым резултатам,“ повів Ріхтер. Міністер бы мав подля інформацій аґентуры SITA вычеряти Марека Мадяріча у функції подпредседы партії SMER-SD. Єдночасно бы мав подля аґентуры скінчіти як міністер. У тій функції бы мав на його місце іти депутат і кошыцькый пріматор Ріхард Раші. Тот по реґіоналных выборах повів, же знова на кошыцького пріматора кандідовати не буде. Ріхтер повів, же моментално є міністром і має вельо пріоріт, котры бы хотів у найблизшім періоді забезпечовати. Додав, же далшы крокы буде партія рішыти на сеймі, котрый буде 9-го децембра в Мартіні.
(Петро Медвідь)