Швейцарьска влада буде продовжовати у підпорї членьскых штатів з выходной части ЕУ а в найблизшых десятёх роках тому реґіону дасть 1,3 міліарды франків. Гроши дає на проєкты в области міґрації, професійного навчаня і вытваряня робочіх місць про молодых людей. Швейцарьска презідентка Доріс Леутгардова подля аґентуры ДПА уточнила, же про область міґрації є урченых 200 міліонів франків. Од навязаня остатнїх 1,1 міліарды франків на навчаня і творбу робочіх місць в 13-ёх країнах котры ся членами ЕУ стали по роцї 2004, Леутгардова очекую, же люде зістануть у своїх країнах, де будуть мати роботу і школїня. Розгоднутя швейцарьской сполковой рады о выдїлїню фінанції мусить іщі одобрити швейцарьскый парламент, де ся але часть посланцїв высловила проти.
(Зденка Цітрякова)